Drông khua gĭt gai Đảng Tô Lâm lehanăn mô̆ ñu, mbĭt hŏng êpul khua prŏng mâo leh khua gĭt gai ASEAN Nai prĭng Kao Kim Hourn lehanăn mô̆ gơ̆, Êpul khua kiă kriê ASEAN lehanăn phung khua bi ala dŭm ala čar hlăm ASEAN. Leh klei drông, Khua gĭt gai Đảng Tô Lâm nao pla leh ană kyâo bi hdơr hlăm wăl anôk bruă êpul khua kiă kriê ASEAN.

Ti anôk mă bruă hŏng Khua gĭt gai ASEAN lehanăn êpul khua kiă kriê djŏ tuôr ngă bruă hlăm ASEAN, Khua gĭt gai Đảng Tô Lâm mñă Việt Nam dlăng yuôm klei đru mguôp mơ̆ng pô kơ klei mđĭ kyar ASEAN hlăm dăl 30 thŭn êgao, kyua mta kñăm prŏng prĭn mơ̆ng ASEAN. Klei khua gĭt gai Đảng Tô Lâm nao čuă anôk bruă kiă kriê ASEAN tal anei jing čiăng bi êdah klei ƀuăn hdră êlan mơ̆ng Việt Nam hŏng ASEAN, bi klă ASEAN lŏ jing bruă tal êlâo hlăm klei Việt Nam bi mguôp hŏng ala tač êngao hlăm ênuk mrâo mrang./.