Anei jing gưl nao čhưn tal êlâo mơ̆ng Khua gĭt gai Đảng Tô Lâm hlăm bruă păn jing Khua gĭt gai Đảng Cộng sản Việt Nam, gưl nao čhưn mâo boh tŭ dưn yuôm bhăn leh anăn bi klă sa klei đĭ kyar mrâo hlăm klei mjĕ giăm dua tĭng plah wah Việt Nam leh anăn Singapore.

Gưl nao čhưn mơ̆ng Khua gĭt gai Đảng Tô Lâm truh kơ Singapore gưl anei jing tur knơ̆ng kđi čar yuôm bhăn čiăng lŏ dơ̆ng mtrŭt mđĭ klei mjĕ giăm jăk siam plah wah Việt Nam leh anăn Singapore đĭ ti hnơ̆ng mrâo, klă klơ̆ng leh anăn kluôm êlam hĭn. Gưl nao čhưn đru mtrŭn agha êlam klei mjĕ giăm plah wah dua đảng, mkŏ mjing tur knơ̆ng bruă kđi čar kjăp kơ klei mjĕ giăm dua tĭng, bi lar hĭn klei găl bi mguôp plah wah dua ala čar hlăm dŭm mta bruă: bruă duh mkra mtah, bruă duh mkra mrô, klei kreh knhâo mrâo mrang leh anăn mlih mrâo mbruă, pui kmlă doh, anôk bruă ngăn prăk.