Bi mni dŭm boh tŭ dưn dưi mâo leh, Khua gĭt gai Đảng Tô Lâm mñă ktang hlăm wưng kơ anăp, Quân đoàn lŏ dơ̆ng hyuă kjăp leh anăn ngă jăk hdră mtrŭn mrô 35 mơ̆ng Phŭn bruă kđi čar kơ klei kƀĭn kluôm bruă Đảng dŭm gưl anăp truh kơ klei kƀĭn kluôm phung bi ala kluôm ala tal 14 mơ̆ng Đảng. Kñăm mprăp leh anăn mkŏ mjing tŭ jing klei kƀĭn kluôm bruă Đảng dŭm gưl wưng thŭn 2025 – 2030, rơ̆ng kơ klei êngiê, klei bi mguôp, sa ai. Bi mguôp kjăp dŭm klei găl bi kluôm gưl bruă đảng nah gŭ hŏng bi kluôm êpul ngă bruă knuă druh leh anăn dŭm anôk bruă, rơ̆ng leh klei kƀĭn kluôm, dŭm êpul bruă Đảng hmar bi lar bruă klam gĭt gai dŭm anôk bruă mgaih msir klei dleh dlan, bi leh djăp bruă klam, đru mkŏ mjing êpul bruă đảng ênuah ênô, kjăp hlăm bruă kđi čar, klei mĭn, knhuah hdĭp, mkŏ mjing anôk bruă kjăp ktang kluôm dhuôm, bi hmô, jăk êdi.

Ăt hlăm hruê, Khua gĭt gai Đảng Tô Lâm nao čuă leh anăn mă bruă hŏng Binh đoàn 15 kơ boh tŭ dưn hluê ngă bruă klam bruă duh mkra ala ƀuôn, răng mgang klei êđăp ênang.