Khua gĭt gai Đảng hơêč hmưi, bi mni kơ dĭm klei gĭr, lehanăn dŭm boh tŭ dưn anôk bruă Đảng, bruă sang čư̆ êa, lehanăn mnuih ƀuôn sang čar mâo leh, boh nik jing thŭn 2024, mjing leh boh kdrŭt kơ čar Hưng Yên mbĭt hŏng kluôm ala čhuang hlăm ênuk kpưn đĭ mrâo mơ̆ng djuê ana Việt Nam. Khua gĭt gai Đảng mñă, thŭn 2025, bruă Đảng čar Hưng Yên brei mâo klei thâo săng klă mngač, êlam hĭn kơ boh klei dôk găn ară anei, păn mă bi djŏ klei găl, klei tŭ kơ čar pô, čiăng mơ̆ng anăn mâo dŭm mta kñăm, klei hrŏng ruah kơ bruă čuăn, nao hlăm klei mđĭ kyar, mjing klei bi mlih prŏng, hŏng klei ktang hlăm klei mđĭ kyar bruă duh mkra ala ƀuôn, hlăm bruă mkŏ mjing Đảng lehanăn jih bruă kđi čar hlăm klei doh mngač, kjăp ktang.

Čar lŏ dơ̆ng kiă kriê, gĭt gai hlue ngă bi kjăp klei dăp wĭt mnuih mă bruă hlăm jih bruă kđi čar hlăm čar, hlăm kdriêk hŏng klei khuăt pral tŭ jing, djŏ hŏng hdră mtrŭn mơ̆ng gưl dlông, djŏ guôp mơh hŏng alŭ wăl, mđing mghaih msir jih klei tŭ dưn, kơ hdră êlan mă bruă hŏng phung djŏ hlăm ênoh wĭt mdei./.