Khua gĭt gai Đảng Tô Lâm hŏng lu phung khua gĭt gai Đảng, Knŭk kna nao hgŭm. 95 thŭn êgao, mơ̆ng klei Đảng leh anăn Awa Hồ gĭt gai, djuê ana Việt Nam kjăp knhuang găn jih klei dleh dlan, mâo klei tŭ dưn hƀuê ênuk. Hlăm ai êwa yan mnga, ai tiê grăp čô mnuih thiăm klei đăo knang kluôm ênŭm kơ Đảng hlai mbĭt hŏng klei čang hmăng kơ êdei anăp jăk siam mơ̆ng ala čar.

Hlăm hdră phung bi ala dlăng leh klei kdŏ mmuñ bi mni kơ Đảng Cộng sản Việt Nam kdrưh kơăm, Khua gĭt gai Hồ Chí Minh, bi mni kơ ƀuôn sang, lăn čar msĕ si: “Lăn čar” (klei duê Tạ Hữu Yên, klei mmuñ Phạm Minh Tuấn); “Knhuah kjăp Việt Nam” (klei duê Lê Anh Xuân, klei mmuñ Nguyễn Chí Vũ); “Ênhiang mmuñ čar kwar” (Trần Tiến); “Đảng brei leh yan mnga kơ drei” (Phạm Tuyên); “Bi mni kơ Awa Hồ” (Văn Cao); “Ñu jing klei đăo knang mâo klei dưi” (Chu Minh).  Hŏng boh êlam hƀuê ênuk 95 thŭn gĭt gai mơ̆ng Đảng, drei mâo klei dưi ktưn hưn, lŏ dơ̆ng kjăp ai tiê hlăm klei Đảng gĭt gai čiăng mŭt hlăm ênuk mrâo mơ̆ng djuê ana.