Blŭ hrăm ti anôk bi kƀĭn, Khua gĭt gai Đảng mñă klă: ai ktang răng mgang čar kwar Yang ƀuôn ngă phŭn mphŭn mơ̆ng yang ƀuôn, kyua mnuih ƀuôn sang, knang kơ yang ƀuôn; “ai tiê mnuih ƀuôn sang” jing tur knơ̆ng, anôk knang kjăp ktang hĭn.

Bi ala kơ Khua gĭt gai Đảng, Knŭk kna mđup brei Medai Mtŭ Kñĭ tal 5 mđup brei kơ Êpul kahan ksiêm yang ƀuôn, Khua gĭt gai Đảng mtă kơ Êpul kƀĭn hlue ngă 8 bruă klam, hdră msir phŭn, hlăm anăn mñă klă klei brei jih hnơ̆ng siă suôr hŏng čar kwar, hŏng Đảng, hŏng yang ƀuôn leh anăn klei bhiăn yang ƀuôn ngă phŭn; kjăp ktang klei kñăm klei êngiê kơ djuê ana mguôp hŏng yang ƀuôn ngă phŭn. Grăp čô knuă druh, lĭng kahan brei jiă kma klei mĭn “Yang ƀuôn jing phŭn”, dưm klei tŭ dưn ala čar, djuê ana, mnuih ƀuôn sang jing phŭn, đru krơ̆ng kjăp klei êngiê, răng mgang klei hdĭp êđăp ênang.