Leh 4 thŭn pŏk ngă hdră rŭ mdơ̆ng 2 anôk bruă yuôm bhăn mơ̆ng Sang êa drao kahan gưl dlông 108 klă klơ̆ng dưi ba yua, grăp hdră bruă anei mâo 8 tal. Blŭ hrăm ti knăm anei, Khua gĭt gai Đảng Tô Lâm bi mni kơ dŭm boh tŭ năng ktưn hưn mơ̆ng Sang êa drao kahan gưl dlông 108, dăl hlăm 75 thŭn mkŏ mkra lehanăn đĭ jing, êpul nai aê mdrao ti Sang êa drao anei hluê ngă tŭ jing leh hdră mdrao mgŭn dleh, dŏng hdĭp lu mnuih ruă.

Khua gĭt gai Đảng ăt mtă kơ sang êa drao amâo mdei krơ̆ng kjăp lehanăn mđĭ hĭn hnơ̆ng tŭ jăk hlăm djăp mta ra bruă, bi mguôp kjăp hdră mdrao hŏng hdră ksiêm hriăm kreh knhâo, mđĭ klei bi hgŭm hlăm bruă mjuăt bi hriăm mnuih mă bruă mâo hnơ̆ng thâo kñăm dưn jih klei kreh knhâo mơ̆ng hdră mdrao ênŭk mrâo ară anei, ba hdră mdrao mgŭn ala čar drei đĭ kyar hĭn./.