
Ƀri bi hdơr 10 hrue mkŏ mjing êpul phung bi ala bruă kƀĭn ala mda asei Việt Nam mơ̆ng thŭn (2015-2025), tlam mbrue 24/6, ti Anôk bruă Đảng gưl dlông, Khua gĭt gai Đảng Tô Lâm bi tuôm leh hŏng êpul bi ala bruă kƀĭn ala mda asei gưl 15. Khua gĭt gai Đảng mñă, Klei bi kƀĭn prŏng Đảng dŭm gưl, anăp truh kơ klei bi kƀĭn prŏng Đảng kluôm ala gưl 14, jing bruă čuăn yuôm bhăn, bi klin bruă leh ngă lehanăn lŏ mbŏ klei hlak mblang kñăm čiăng hrŏng ruah mnuih mă bruă djăp klei thâo, hlăm ênuk gưl mrâo.

Êpul phung bi ala bruă kƀĭn ala mda asei đru mguôp leh lu klei blŭ kơ klei čih mkra hră mơar kơ klei bi kƀĭn, lač ênŭm kơ bruă hlăm nah gŭ pioh kơ klei mđĭ kyar pral hĭn kjăp hĭn. Čiăng dưi ngă jih bruă jao kơ pô, khua gĭt gai Đảng mtă, grăp čô knuă druh bi ala bruă kƀĭn ala mda asei lŏ ksiêm dlăng pô, mjuăt hriăm lu hĭn, lehanăn duh myơr amâo mâo mdei. Phung bi ala bruă kƀĭn ala mda asei brei mâo klei mĭn cách mạng kjăp sĭt suôr hŏng Đảng, hŏng lăn čar lehanăn mnuih ƀuôn sang, mđĭ hĭn bruă klam, klei ling lang ai tiê mlih mrâo, amâo mâo rŭng răng ôh ti anăp klei dleh dlan, amâo mâo lĕ hlăm klei tui tiŏ klei tluh kơ pô, amâo mâo bi luič ôh knhuih k’hưm pô ti anăp klei mplư kơ klei jing khua, brei jhŏng mĭn, jhŏng ngă, jhŏng đua klam./.
Viết bình luận