Khua gĭt gai dŭm ala čar mơĭt klei blŭ leh anăn hră hơêč hmưi kơ Khua lăn čar Võ Văn Thưởng
Thứ năm, 00:00, 09/03/2023
VOV Tây Nguyên
VOV Tây Nguyên
VOV4.Êđê- Ƀri wưng Võ Văn Thưởng mâo Bruă kƀĭn ala gưl 15 ruah mdưm jing Khua lăn čar Việt Nam, Khua gĭt gai dŭm ala čar leh anăn êpul êya tar rŏng lăn: Brunei, Singapore, Dhŭng Korea, Australia, Belarus, Bangladesh, Luxembourg, Nicaragua, ASEAN leh anăn Êpul bruă lŏ hma Êpul hgŭm lu ala čar mâo leh hră mơĭt klei hơêč hmưi.
Hlăm hră mơĭt, mtao Brunei Darussalam Haji Hassanal Bolkiah mñă klă, hmăng hmưi lŏ bi mguôp kjăp hŏng Khua lăn čar Võ Văn Thưởng hlăm wưng kơ anăp čiăng bi êlam hĭn klei mjĕ giăm yuôm bhăn 2 ala čar, ăt msĕ hŏng bruă klam jing ƀĭng hgŭm hlăm ASEAN.
Hlăm hră hơêč hmưi, Khua mil čhil Singapore Halimah Yacob leh anăn Khua knŭk kna Lý Hiển Long đăo knăl 2 ala čar srăng lŏ dơ̆ng bi mguôp ktang hlăm dŭm mta bruă mrâo msĕ si pui kmlă doh leh anăn bruă carbon, bi êdah klei hmăng hmưi bi mguôp kjăp hŏng Khua lăn čar Võ Văn Thưởng kñăm mđĭ hĭn klei mjĕ giăm, bi mguôp mâo boh tŭ kơ 2 ala čar.
Viết bình luận