Hlăm hră mơĭt, khua gĭt gai Đảng, Khua lăn čar Lào Thongloun Sisoulith mñă ktang kơ bruă Võ Văn Thưởng păn ngă Khua lăn čar bi êdah klei đăo knang mơ̆ng Đảng, knŭk kna leh anăn mnuih ƀuôn sang Việt Nam hŏng ñu, mñă klă srăng mprăp nanao klei bi mguôp đru kơ bruă bi kjăp klei mjĕ giăm prŏng prĭn, klei bi mguôp yuôm bhăn, kluôm ênŭm, ƀĭng hgŭm, ayŏng adei plah wah 2 Đảng, 2 knŭk kna leh anăn mnuih ƀuôn sang 2 ala čar.

Klei blŭ hlăm đĭng blŭ mơ̆ng Khua gĭt gai China Tập Cận Bình mñă klă, China leh anăn Việt Nam jing 2 ala čar jĕ giăm, bi hgŭm yang ƀuôn ngă phŭn. Khua gĭt gai China Tập Cận Bình bi êdah klei yap yuôm bhăn klei mjĕ giăm China – Việt Nam, hrăm mbĭt hŏng Khua lăn čar Võ Văn Thưởng mtrŭt mđĭ klei mjĕ giăm 2 ala čar lŏ dơ̆ng đĭ kyar hơĭt leh anăn jăk.