Mđup brei anăn knăl mơ̆ng Đảng, mđup brei mnga lehanăn mâo klei blŭ hơêč hmưi kơ khua gĭt gai Đảng, snăn Khua Hlăm êpul kiă kriê bruă Đảng gưl dlông Võ Văn Thưởng lač, 55 thŭn dôk hlăm Đảng, khua gĭt gai Đảng Nguyễn Phú Trọng găn leh lu bruă klam mdê mdê duh myơr prŏng kơ bruă cách mạng Đảng lehanăn djuê ana, boh nik hlăm klei mlih mrâo, rŭ mdơ̆ng, răng mgang lăn čar.

Blŭ hrăm hlăm knăm anei khua gĭt gai Đảng Nguyễn Phú Trọng bi êdah ai tiê, klei mĭn pô hlăm bruă knuă, ƀuăn hur har, sĭt suôr hŏng bruă cách mạng Đảng, jih ai tiê mjuăt hriăm hlue knhuah mngač Hồ Chí Minh, năng dưi jing sa čô đảng viên tŭ dưn kơ Đảng.