Leh knăm drông yang hruê dơ̆ng hruê 7/10/2024 hluê mmông alŭ wăl, ti Sang Elysée, Paris, Khua gĭt gai Tô Lâm bi trông leh hŏng Khua mil čhil Emmanuel Macron. Ti knăm anei, dua khua kiă kriê bi trông leh kluôm kơ hdră duh mkra – ala ƀuôn grăp ala čar, klei bi mjĕ hgŭm bruă dua nah lehanăn dŭm bruă ti krĭng wăl, tar rŏng lăn dôk mđing.

Dua tĭng tŭ ư mđĭ hĭn klei bi trông dŭm gưl, boh nik gưl dlông mơ̆ng anôk bruă Đảng, Knŭk kna, Anôk bruă kƀĭn ala. Dua khua kiă kriê tŭ ư mđĭ hĭn  Klei bi mjĕ ƀĭng hgŭm phŭn kluôm dhuôm lehanăn bi tŭ ư kơ dŭm hdră msir kñăm ba Klei bi mjĕ ƀĭng hgŭm phŭn kluôm dhuôm Việt Nam – Prăng ƀrư̆ hruê ƀrư̆ êlam hĭn, klă sĭt, djŏ guôp hŏng hdră bi hgŭm mơ̆ng dua ala čar hlăm boh klei mrâo. Hŏng klei bi mklă anei, Prăng jing ala čar tal êlâo hlăm EU mâo klei bi mjĕ ƀĭng hgŭm phŭn kluôm dhuôm hŏng Việt Nam./.