Lu mnuih ƀuôn sang kdriêk Văn Giang, čar Hưng Yên bi êdah klei bi mni kơ hdră bi kdơ̆ng, gang mkhư̆ klei ƀơ̆ng ngăn, klei ngă amâo djŏ mơ̆ng Đảng, Knŭk kn wưng êgao. Hdră bi kdơ̆ng, gang mkhư̆ klei ƀơ̆ng ngăn, klei ngă amâo djŏ đru msưh kdŭn klei ƀơ̆ng ngăn, klei ngă amâo djŏ, bi kjăp klei đăo knang mơ̆ng mnuih ƀuôn sang hŏng Đảng, Knŭk kna.

Ti knăm anei, Khua gĭt gai Tô Lâm brei thâo srăng mđing msir mghaih jih klei êdu kƀah, dŭm bruă ngă ka leh, boh nik dŭm klei dleh, gun kpăk hlăm bruă msir mghaih klei ƀơ̆ng ngăn, msĕ si bi mklă ngăn prăk, ksiêm dlăng ngăn prăk, đru tiŏ mă kơ̆ng, ba wĭt phung ƀơ̆ng ngăn tlĕ đuê̆, hrui mă ngăn drăp. Tal dua, srăng mđĭ bruă čih mkra, bi leh klei bhiăn čiăng bi kdơ̆ng, gang mkhư̆ klei ƀơ̆ng ngăn, klei ngă amâo djŏ. Tal tlâo srăng gĭr gai kjăp hĭn, tŭ dưn hĭn hdră ksiêm dlăng, bi mklă, tĭng mkă./.