Blŭ hrăm hlăm mmông bi tuôm, khua gĭt gai Tô Lâm čih yap leh anăn bi mni dŭm boh tŭ dưn yuôm bhăn mơ̆ng êpul phung mnia mblei hŏng klei mđĭ kyar lăn čar. mbĭt anăn čih yap, bi mni êpul hgŭm phung mniê leh anăn leh anăn bruă tuh tia Việt Nam mbĭt hŏng dŭm êpul phung mnia mblei, knơ̆ng bruă mâo lu klei đru mguôp mkŏ mjing êpul êya dŭm knơ̆ng bruă kjăp ktang.

Ƀiădah, Khua gĭt gai Tô Lâm ăt ktrâo klă dŭm klei êdu kƀah mơ̆ng êpul phung mnia mblei ala čar drei jing dôk điêt, kƀah ngăn prăk, klei kiă kriê adôk êdu kƀah, ka mâo lu phung mnia mblei dưi kpưn đĭ tar rŏng lăng. Hluê si Khua gĭt gai Tô Lâm, knơ̆ng bruă mdrŏng lăn čar srăng mdrŏng. Kyuanăn, bruă kñăm ruh mgaih klei dleh dlan kơ knơ̆ng bruă, mtrŭt mđĭ knơ̆ng bruă đĭ kyar jing bruă klam kñăm mrô 1 mơ̆ng grăp gưl bruă. Khua gĭt gai Tô Lâm hơêč hmưi kơ êpul knơ̆ng bruă ala čar drei ƀrư̆ hruê ƀrư̆ đĭ kyar ktang leh anăn kjăp, găn jih klei lông dlăn, pai mă klei găl, mâo mă lu boh tŭ dưn hlăm klei mnia mblei, đru mguôp hlăm klei mđĭ kyar bruă duh mkra lăn čar leh anăn klei mdrŏng sah mơ̆ng yang ƀuôn.