Khua kiă kriê dua tĭng bi êdah klei mơak anăp klei đĭ kyar jăk siam mơ̆ng klei bi mjĕ dua Đảng, dua ala čar leh mkra mđĭ klei bi mjĕ jing Êpul êya kah mbha êdei anăp mâo boh tŭ yuôm bhăn; bi hgŭm hlăm bruă lĭng kahan mâo dua tĭng mđing mtrŭt mđĭ, ƀrư̆ hruê ƀrư̆ klă sĭt, ba wĭt boh tŭ dưn.

Khua gĭt gai Tô Lâm mñă, Đảng, Knŭk kna, Lĭng kahan lehanăn mnuih ƀuôn sang Việt Nam mpŭ lehanăn hdơr kơ klei đru mguôp prŏng prĭn mơ̆ng Đảng, Knŭk kna, Lĭng kahan lehanăn mnuih ƀuôn sang China hlăm hdră krŭ kdơ̆ng, sua mă klei hnŭk êngiê lehanăn mtlaih êngiê djuê ana êlâo adih ăt msĕ mơh hdră mkŏ mkra hdră êlan yang ƀuôn ngă phŭn hruê anei. Khua gĭt gai Tô Lâm mtă kơ lĭng kahan dua tĭng mđĭ hdră bi hgŭm, ksiêm dlăng lehanăn msir mghaih jih klei amâo thâo bi djŏ, rơ̆ng klei êđăp ênang, hơĭt kjăp ti krĭng êa ksĭ, msir mghaih klei amâo thâo bi djŏ hŏng hdră msir êđăp ênang, rơ̆ng klei djŏ hŏng hdră bhiăn tar rŏng lăn./.