Jao klei bi klă kơ phung bi ala, Khua gĭt gai Tô Lâm mñă klă, phung dưi jao bruă klam tal anei jing phung ngă bruă hŏng tač êngao thơ̆ng kơ bruă, mâo lu klei hriăm hlăm bruă hŏng tač êngao.

Khădah hlăm wưng tar rŏng lăn, hlăm alŭ wăl dleh ksiêm dlăng, mâo lu klei dleh dlan, klei lông dlăng ƀiădah phung bi ala dưi tiŏ nao ăt bi klă dŭm klei găl lăn čar dôk mŭt hlăm wưng mrâo, ênuk kpưn đĭ mơ̆ng djuê ana, êjai tŭ mă bruă klam mrâo ba wăt klei hing ang leh anăn klei đăo knang đĭ kyar lăn čar, mñă klă srăng jih ai tiê hŏng mta kñăm boh tŭ kơ lăn čar, kơ djuê ana, bi mguôp 3 kmeh gơ̆ng phŭn bruă hŏng tač êngao mơ̆ng Đảng, knŭk kna leh anăn mnuih ƀuôn sang, bi mguôp bruă hŏng tač êngao hŏng bruă lĭng kahan, klei êđăp ênang, mkŏ mjing anôk bruă bi ala kjăp ktang, čiăng kơ grăp čô knuă druh, boh nik jing phung bi ala dưi năng hŏng djuê ana, Đảng, knŭk kna, mnuih ƀuôn sang Việt Nam.