Lŏ dơ̆ng hdră mă bruă ti Quảng Trị, tlam 16/10, Khua gĭt gai Tô Lâm mbĭt hŏng Êpul mă bruă Gưl dlông mă leh bruă hŏng Anôk kriê dlăng bruă Đảng čar Quảng Trị kơ bruă hluê ngă Hdră mtrŭn bruă Đảng dŭm gưl mguôp hŏng hdră mđĭ kyar bruă duh mkra, aka ƀuôn, rơ̆ng klei êđăp ênang bruă lĭng kahan, klei êđăp ênang ala ƀuôn, mkŏ mkra Đảng lehanăn anôk bruă kđi čar.

Blŭ ti knăm anei, Khua gĭt gai Tô Lâm bi mni bruă Đảng, bruă snag cư̆ êa čar Quảng Trị bi hgŭm mguôp, pŏk ngă kjăp Hdră mtrŭn Klei bi kƀĭn bruă Đảng tal 13 lehanăn Hdră mtrŭn Klei bi kƀĭn bruă Đảng tal XVII, ba mdah lu hdră mtrŭn, klei klah čŭn, asăp mtrŭn, hdră ngă bruă, hdră kčah… Quảng Trị mâo hnơ̆ng đĭ kyar bruă duh mkra ptal hĭn hnơ̆ng kah knar kluôm ala, ai bi ktưn bruă duh mkra dưi mkra mđĭ, hdră jak iêu klei duh bi liê, hrui wĭt ngăn prăk knŭk kna, mjing bruă mă ƀrư̆ hruê ƀrư̆ đĭ, anôk bruă nah gŭ dưi duh bi liê rŭ mdơ̆ng bi knar, boh nik bruă êlan klông. Dhar bruă, mtô bi hriăm, mdrao mgŭn dưi mđing dlăng, hdră đru kơ yang ƀuôn, mnuih ƀun mâo yang ƀuôn mđing kriê dlăng, hluê ngă jăk hdră mtrŭn djuê ana, klei đăo, klei bi hgŭm mguôp djuê ana./.