Êjai dôk čhưn ti ala čar Prăng, Khua gĭt gai Tô Lâm nao hlăm knăm drông, nao hlăm klei bi blŭ hrăm hŏng phung ngă bruă klei mrâo, bi trông hŏng khua mil čhil Prăng Emmanuel Macron; bi tuôm hŏng khua bruă kƀĭn ala nah dlông Prăng, drông čhưn hŏng khua kiă kriê Đảng Cộng sản Prăng, Êpul hgŭm Prăng-Việt Nam; nao čuă anôk bruă lehanăn bi tuôm hŏng khua kiă kriê UNESCO.

Prăng lehanăn Việt Nam mñă klei yuôm bhăn bruă hgŭm lu tĭng, hlăm anăn, mâo êpul hgŭm lu ala čar păn klam bruă knơ̆ng, ƀuăn hlue ngă klei bhiăn mơ̆ng êpul hgŭm lu ala čar, boh nik jing yuôm bhăn hĭn mtrŭt mđĭ bruă răng mgang klei dưi êngiê anak mnuih, kơ klei dưi êngiê mđĭ kyar mơ̆ng mdê bi ala čar. Dua nah mâo klei ƀuăn bi hgŭm kjăp bruă hlăm alŭ wăl, boh nik hlăm ASEAN, lehanăn hŏng ala tač êngao, hlăm anăn mâo êpul hgŭm dŭm ala čar blŭ klei Prăng./.