Êmuh hrăm klei hdĭp mơ̆ng phung knuă druh, mnuih ƀuôn sang, phung lĭng kahan ti kdriêk plao ksĭ, Khua gĭt gai Tô Lâm bi mni, yap yuôm bhăn leh anăn mpŭ kơ dŭm klei đru mguôp mơ̆ng dŭm gưl phung knuă druh, lĭng kahan leh anăn mnuih ƀuôn sang hlăm kdriêk hlăm bruă mkŏ mjing leh anăn răng mgang lăn čar.

Hlăm wưng kơ anăp, Khua gĭt gai Tô Lâm mñă brei bi kjăp bruă răng mgang klei êđăp ênang, bi mguôp bruă răng mgang klei êđăp ênang plah wah kdriêk Cồn Cỏ leh anăn dŭm plao ksĭ mkăn. Mbĭt anăn, kriê dlăng jăk klei hdĭp phung knuă druh, lĭng kahan, mnuih ƀuôn sang hdĭp mda leh anăn mă bruă ti plao ksĭ, rơ̆ng bi mâo djăp klei găl hriăm leh anăn mdrao mgŭn kơ mnuih ƀuôn sang. Ƀri wưng anei, Khua gĭt gai Tô Lâm mđup brei lu hnư mnơ̆ng kơ mnuih ƀuôn sang, dŭm êpul êya ti kdriêk plao ksĭ, mơĭt truh klei khăp jăk siam hĭn mơ̆ng lăn hang.