Khua gĭt gai Tô Lâm nao lehanăn blŭ hrăm ti Knăm mphŭn pŏk. Adŭ anei mâo 49 čô hriăm, hriăm mơ̆ng hruê 14/10/2024 truh hruê 25/11/2024. Mâo 33 mta klei jing dŭm bruă phŭn kơ tur knơ̆ng, klei mĭn mơ̆ng Đảng, mkŏ mkra Đảng, Knŭk kna lehanăn anôk bruă kđi čar; mđĭ kyar bruă duh mkra, dhar krehg, ala ƀuôn, bruă lĭng kahan, răng mgang klei êđăp ênang lehanăn bruă hŏng tač êngao, klei kreh knhâo hlăm hdră kiă kriê, kriê dlăng hlăm boh klei mrâo.

Khua gĭt gai Tô Lâm mtă, phung mă bruă hâo hưn nao mtô mblang, đru pŏk hluê ngă Hdră hriăm mbŏ kñăm ba wĭt boh tŭ dưn, ba yua klei hriăm jing klei ngă hluê hdră kreh knhâo mâo hnơ̆ng trah dlăng, brei mđing mđĭ lar klei mĭn mrâo, klei bi mjĕ, hâo hưn plah wah mnuih mtô mblang lehanăn mnuih ksiêm hriăm, hluê ngă jăk hdră “Hriăm hlŏng hluê ngă”, klei hriăm mguôp hŏng klei mâo sĭt; mđĭ nanao hdră ksiêm dlăng klei hriăm hră, knhuah hriăm hlăm Sang hră bruă Đảng, mjing klei găl čiăng kơ phung hriăm hluê ngă jih bruă klam hlăm klei ksiêm hriăm./.