Hlue si klei hưn, truh ară anei, Yên Bái mâo 18/19 hnơ̆ng kčah djăp leh anăn hgao hdră kñăm Hdră mtrŭn klei bi kƀĭn XIX bruă Đảng čar, mâo 1 hnơ̆ng kčah brei kƀĭn gĭt gai bi jăk leh anăn mâo hdră msir jăk čiăng bi leh jing hnơ̆ng luôm dliê mơ̆ng 63% truh 65%.

 Blŭ hrăm hlăm mmông mă bruă, Khua Dhar bruă Đảng Trương Thị Mai čih yap, bi mni kơ klei gĭr ktưn mơ̆ng bruă Đảng čar Yên Bái hgao leh klei dleh dlan čiăng mâo boh tŭ yuôm bhăn hlăm mkrah wưng êgao. Hlăm anăn, êdah êdi jing Yên Bái ngă bi jăk bruă ksiêm dlăng, gĭt gai êpul bruă hlue ngă Hdră mtrŭn. Mbĭt anăn mñă klă, mơ̆ng ară anei truh knhal jih wưng, Yên Bái brei mđing pŏk ngă dŭm hdră msir hrui mă ngăn prăk rơ̆ng hdră kñăm, mđing mđĭ hnơ̆ng jăk phung mă bruă, mđĭ klei hdĭp mda mnơ̆ng dhơ̆ng-ai tiê mnuih djuê ƀiă. Brei hriăm mbŏ dưi ngă djŏ klei čiăng hlăm bruă klam.