Ti anôk bi kƀĭn, Khua kiăkriê bruăknuă gưl dlông Phan Đình Trạc bi mni kơ dum boh tŭ dưn čar Cao Bằng mâo leh hlăm bruă hlue ngă hdră mtrŭn gưl dlông 8 (Gưl 11) wưng leh êgao, lehanăn mtă kơ Cao Bằng lŏ dơ̆ng bi kjăp lehanăn mđĭ ai tiê, mjing klei bi sa ai hlăm klei thâo săng, lehanăn klei ngă bruă, bi răng mgang klei êđăp ênang lăn čar, klei kơ jih jang phung knuă druh đảng viên, mnuih ngă bruă, mnuih ƀuôn sang lehanăn jih jang lĭng kahan păn kjăp bruă knuă hlăm ênuk mrâo mrang. 

Phan Đình Trạc mñă: Bi klăbruă răng mgang lăn čar jing bruă čuăn ngă nanao mơ̆ng Đảng, jih jang mnuih ƀuôn sang lehanăn lĭng kahan, Cao Bằng năng mâo nanao klei bi mguôp kjăp plah wah bruă mđĭ kyar klei hdĭp mda ala ƀuôn, bruă hŏng tač êngao, mguôp mbĭt hŏng bruă răng mgang klei êđăp ênang./.