Ti anôk mă bruă Phung khua kiă kriê bruă mdrao mgŭn lač, jih jang boh tŭ dưn leh mâo hlăm klei bi mguôp hŏng anôk bruă hâo hưn gưl dlông wưng thŭn 2021-2025. Hlue anăn dua nah, pral bi hgŭm hâo hưn, mkăp djăp boh klei kơ bruă mdrơ̆ng hŏng klei ruă tưp COVID-19.

Hâo hưn, mtrŭt mjhar mnuih ƀuôn sang bi răng kriê klei suaih pral. Bi ala kơ Đảng, knŭk kna, Khua kiă kriê bruă hâo hưn gưl dlông Nguyễn Trọng Nghĩa čih pioh dŭm klei gĭr, klei duh myơr prŏng mơ̆ng bruă mdrao mgŭn êpul knuă druh phung nai aê mdrao hlăm wưng leh êgao. Lehanăn mơĭt kơ jih jang phung knuă druh mdrao mgŭn klei hơêč hmưi jăk siam ƀri bi hdơr 68 thŭn hrue phung nai êa drao Việt Nam.  Khua kiă kriê bruă hâo hưn gưl dlông lač klă, bruă mdrao mgŭn hlăm wưng kơ anăp srăng lŏ dơ̆ng tuôm hŏng lu klei dleh dlan, mtă kơ dŭm gưl bruă Đảng, bruă sang čư̆ êa lŏ dơ̆ng tuôm hŏng lu klei dleh dlan, čang hmăng kơ dŭm gưl bruă mdrao mgŭn dlăng kriê bi jăk. Duh mĭn ngăn prăk rŭ mdơ̆ng sang êa drao bi jăk pioh kơ bruă mdrao mgŭn mnuih ruă./.