Hlăm klei hơêč hmưi, Khua mil čhil Daniel Ortega lehanăn k’iăng khua mil čhil Rosario Murillo lač klă: “Bi ala kơ mnuih ƀuôn sang lehanăn knŭk kna Nicaragua, hmei mâo klei hơêč hmưi kơ ih, sa klei hơêč hmưi sĭt suôr hĭn ƀrĭ klei ih đĭ păn bruă jing khua lăn čar yang ƀuôn ngă phŭn êngiê Việt Nam”.

Tui si khua mil čhil lehanăn k’iăng khua mil čhil Nicaragua, boh tŭ dưn anei lŏ sa blư̆ dơ̆ng bi klă hdră êlan jhŏng ktang, mâo klei jưh knang prŏng kơ ngăn dưn mơ̆ng khua gĭt gai Hồ Chí Minh kơ klei khăp kơ lăn čar, lehanăn hơĭt ai tiê đăo knang kơ klei Đảng Cộng sản Việt Nam kiă kriê.