Leh hmư̆ hing jih jang klei blŭ, tĭng kơ knơ̆ng bruă kphê Thắng Lợi, tĭng kơ bruă sang čư̆ êa alŭ wăl, dŭm dhar bruă djŏ tuôm wĭt lač jih jang bruă dôk hlăm klei dưi, hlak mblang klă mngač dŭm mta mtrŭn mơ̆ng klei bhiăn knŭk kna, klei bhiăn kuôl kă tŭ mă phăn jao lăn mơ̆ng dŭm knơ̆ng bruă lŏ hma dliê kyâo.

Ƀiădah jih jang dŭm gŏ êsei tŭ mă lăn phăn jao bi lač, jih jang klei wit lač anăn amâo mâo klei năng ôh, bi mâo êpul bruă ksiêm dlăng mơ̆ng knŭk kna mghaih msir, čiăng mghaih msir bi djŏ klei klei mnuih ƀuôn sang dôk čiăng hŏng knơ̆ng bruă kphê. Klah čŭn klei bi blŭ hrăm anăn, Phạm Ngọc Nghị, khua knơ̆ng bruă sang čư̆ êa čar čih pioh lehanăn tŭ mă jih jang klei mnuih ƀuôn sang akâo, lehanăn brei thâo mâo leh hră mơar mơĭt kơ anôk bruă ksiêm dlăng mơ̆ng knŭk kna ngă klei ksiêm dlăng jih bruă mơ̆ng knơ̆ng bruă kphê Thắng Lợi anei.