Klei bi kƀin mkŏ online hŏng 63 boh čar, ƀuôn prŏng hlăm kluôm ala. Blŭ hrăm ti anôk bi kƀĭn, Khua knŭk kna Phạm Minh Chính mtă, hlăm wưng kơ anăp Phŭn bruă čuăl mkă lehanăn duh bi liê lŏ dơ̆ng ngă jăk hĭn bruă pô, bi leh bruă klam kčĕ đru kơ Đảng, knŭk kna lŏ dơ̆ng mđĭ hĭn bruă kiă kriê hdră mă bruă, gĭt gai bruă duh mkra kluôm, kăp ksiêm jih jang boh klei hlăm alŭ wăl lehanăn dlông rŏng lăn, păn kjăp ti jing klei găl, klei lông dlăng, mâo klei thâo mkă tĭng, kăp răng, čŏng mkŏ mjing hdră êlan mă bruă lehanăn kčĕ đru kơ Đảng, knŭk kna.

Mơ̆ng anăn, khua knŭk kna mâo dŭm hdră êlan lŏ gĭt gai, kiă kriê, hlue ngă dŭm hdră mtrŭn mơ̆ng klei bi kƀĭn prŏng Đảng, Bruă kƀĭn ala, lehanăn knŭk kna. Mbĭt hŏng anăn khua knŭk kna mtă, Phŭn bruă čuăl mkă duh bi liê lŏ dơ̆ng mlih mrô hlăm jih jang bruă, mđĭ mlih hdră êlan ngă hră mơar hŏng klei klă mngač./.