Ti anôk bi tuôm anăn, Khua knŭk kna bŏ hŏng klei mơak mâo nao čhưn ti Singapore hŏng klei jing khua knŭk kna Việt Nam lehăn mâo bi tuôm lehanăn blŭ hrăm  hŏng phung ƀuôn sang Việt Nam, lehanăn jih jang phung knuă druh mnuih ngă bruă anôk bruă bi ala knŭk kna Việt Nam ti Singapore. Khua knŭk kna đăo knang, boh tŭ dưn mơ̆ng klei nao čhưn anei srăng mđĭ hĭn klei bi mguôp dua ala čar lehanăn dua djuê ana hlăm djăp mta klei.

Pô djă akŏ knŭk kna Việt Nam ăt hưn hdră pô ngă bruă hŏng phung ƀuôn sang kơ anei, ñu brei thâo srăng bi tuôm hŏng khua knŭk Lý Hiển Long lehanăn phung khua kiă kriê gưl dlông Singapore kơ hdră mă bruă kñăm hyuă kjăp hĭn klei bi đăo knang hlăm bruă kđi čar, mâo klei bi mguôp hlăm klei mtrŭn agha êlam hĭn jih jang bruă jing kmeh gơ̆ng, anăp truh kơ klei bi mguôp kjăp hdră êlan mrô – duh mkra doh ti Việt Nam - Singapore”.

Lač kơ dŭm ai tiê klei mĭn mơ̆ng phung ƀuôn sang mâo bi êdah, Khua knŭk kna bi êdah ai tiê mă tŭ, sa ai duh mĭn dŭm klei blŭ anăn, lehanăn ba mtruh hŏng dŭm phŭn dhar bruă djŏ tuôm bi klin, ksiêm duah, pral mâo hdră jăk hĭn mgaih mkra bi djŏ./.