Blŭ hrăm ti anôk bi tuôm anăn Khua knŭk kna mâo klei hơêč hmưi lehanăn mpŭ mni kơ dŭm boh tŭ dưn phung mniê Việt Nam mâo leh hlăm wưng êgao.

Hlăm wưng kơ anăp, khua knŭk kna mtă lŏ dơ̆ng hlue ngă hdră mtrŭn klei bi kƀĭn prŏng Đảng 13, hlue ngă jih jang hdră mtrŭn, asăp mtrŭn mơ̆ng bruă Đảng gưl dlông, mơ̆ng phŭn bruă kđi čar, mơ̆ng Êpul khua kiă kriê bruă Đảng kơ bruă knuă druh mniê, klei mtăp mđơr êkei mniê, kyua klei đĭ kyar kơ phung mniê, đru bi leh jih jang mta kñăm mđĭ kyar kjăp truh thŭn 2030. Ti anôk bi tuôm anei khua knŭk kna mđup brei 02 klei pah mni Kovalevskaia kơ 10 čô phung kreh knhâo jing mniê mâo leh boh tŭ dưn yuôm bhăn hlăm bruă ksiêm duah. Anei jing dŭm gru bi hmô siam mơ̆ng phung mniê, jhŏng mĭn jhŏng ngă, bi ala kơ klei thâo mĭn lehanăn klei êpa mhao mơ̆ng Việt Nam.