Khua kiă kriê Êpul phung khua bi mjĕ mjuk Márcio Honaiser bi mni klei bi mjĕ plah wah Anôk bruă kƀĭn ala dua ala čar mâo dŭm knhuang đĭ kyar siam hlăm wưng giăm anei mbĭt anăn brei thâo, Anôk bruă kƀĭn ala nah gŭ Brazil amâo djŏ knŏng čiăng mđĭ klei bi mjĕ Brazil-Việt Nam ƀiădah lŏ čang hmăng Việt Nam mâo klei bi mjĕ hŏng Êpul êya wăl anôk blei mnia Dhŭng Amrĭk ăt msĕ mơh plah wah Brazil hŏng Êpul dŭm ala čar krĭng Ngŏ Dhŭng Asi.

Tŭ ư hŏng klei ba mdah mơ̆ng phung khua Brazil, Khua knŭk kna čang hmăng Anôk bruă kƀĭn ala Brazil lehanăn Anôk bruă kƀĭn ala Việt Nam mđĭ hĭn klei bi hgŭm, mtrŭt mđĭ klei bi tuôm lehanăn bi trông gưl dlông hlăm wưng ti anăp, mđĭ hdră hgŭm bruă plah wah dua anôk bruă kƀĭn ala hlăm klei thâo čih mkra hdră bhiăn, mđĭ lar bruă klam mơ̆ng Anôk bruă kƀĭn ala hlăm Anôk bruă kđi čar, hdră hŏng tač êngao mơ̆ng anôk bruă kƀĭn ala; bi hgŭm lehanăn sa ai bi đru ti dŭm anôk bi kƀĭn lu tĭng./.