Khua knŭk kna drông Khua knơ̆ng bruă ksiêm dlăng klei đĭ kyar mtah tar rŏng lăn
Thứ sáu, 09:19, 18/04/2025
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Aguah hruê 17/4, nah êngao Klei bi kƀĭn trông gưl dlông bi hgŭm kyua klei Đĭ kyar mtah lehanăn Mta kñăm tar rŏng lăn thŭn 2030 tal 4, Khua knŭk kna Phạm Minh Chính drông leh Sang-Hyup Kim, Khua knơ̆ng bruă ksiêm dlăng klei đĭ kyar mtah tar rŏng lăn (GGGI).
Khua knŭk kna tĭng dlăng bruă klam mơ̆ng GGGI hlăm bruă mtrŭt mđĭ Hdră êlan đĭ kyar mtah lehanăn bruă yan adiê tar rŏng lăn. Wưng thŭn 2017-2024, Knơ̆ng bruă đru leh hdră mnêč kơ 15 anôk bruă Việt Nam hlăm hdră: Mkra pui kmlă doh, bruă lŏ hma mdrơ̆ng djŏ guôp hŏng klei bi mlih yan adiê…
Khua knŭk kna lač jăk kơ Knơ̆ng bruă mđĭ kyar mtah tar rŏng lăn dôk đru ngă bruă ti Việt Nam dăl hlăm 10 thŭn êgao, hŏng klei ƀuăn rơ̆ng duh bi liê 1 êklai USD hlăm wưng ti anăp. Khua knơ̆ng bruă GGGI Sang-Hyup Kim mnă klei čang hmăng pŏk mlar hdră bi hgŭm hŏng Việt Nam, mtrŭt mđĭ bruă mkăp trái phiếu mtah lehanăn akâo hnưm bi mklă klei kuôl kă hgŭm bruă mrâo, mđĭ hdră đru kơ mnuih mă bruă ti Adŭ bruă GGGI ti Việt Nam.
Viết bình luận