Hdră rŭ mjing kban Rạch Miễu 2 găn krông Tiền mkŏ čar Tiền Giang - Bến Tre. Hdră anei mâo boh taih 17,6km, mâo ênoh duh bi liê êbeh 5.175 êklai prăk dưi mbha jing 6 kdrêč rŭ mjing. Ti anôk ksiêm dlăng, Khua knŭk kna mtă kơ čar Tiền Giang leh anăn Bến Tre iêo mthưr wăt bruă kđi čar čiăng hnưm bi leh bruă ruh mgaih anôk ala, hnưm bi hơĭt klei hdĭp mnuih ƀuôn sang, rơ̆ng kơ klei hdĭp mnuih ƀuôn sang ti anôk dôk mrâo jăk hĭn amâodah knar hŏng anôk dôk hđăp.

Phung ngă bruă kñăm ai dưi, êdeh êdâo, dưn yua kdrăp mrâo, mđĭ mmông mă bruă, mkŏ mjing klei ngă bruă kreh knhâo čiăng bi hrŏ hruê mă bruă, gĭr ktưn bi leh kban anei ti mlan 10 thŭn 2025 čiăng tŭ drông klei kƀĭn bruă Đảng čar Bến Tre, hnưm hĭn 6 mlan mkă hŏng hdră kčah jing mlan 4/2026, rơ̆ng kơ hnơ̆ng tŭ jăk, klei siam, klei êđăp ênang kơ mnuih mă bruă, klei doh wăl wăl hdĭp mda, amâo mâo mđĭ ênoh, gang mkhư̆ klei ƀơ̆ng ngăn, klei amâo mâo jăk, luč liê mang, mbĭt anăn uêñ mĭn kơ klei hdĭp mnuih mă bruă.