Klei bi kƀĭn dưi mkŏ mjing online plah wah anôk mkŏ Anôk bruă knŭk kna hŏng 63 čar, ƀuôn prŏng hlăm gưl dlông. Khua knŭk kna Phạm Minh Chính lač leh 10 thŭn pŏk ngă Hdră mtrŭn 22 mjing leh klei bi mlih lu. Kơhưm kđi čar, klei găl ala čar dưi mđĭ. Klei bi hgŭm lu ala čar pŏk mlar. GDP đĭ lu hĭn 2 blư̆ mkă hŏng 10 thŭn êlâo.

Khua knŭk kna mñă klă hlăm wưng adôk jing bhiâo truh yơh wưng Anôk bruă gĭt gai bi leh bruă ksiêm wĭt, hưn mdah hŏng Phŭn bruă kđi čar. Čiăng mđĭ pral hĭn hnơ̆ng pŏk ngă bruă ksiêm wĭt, Khua knŭk kna mtă kơ Anôk bruă gĭt gai leh anăn Êpul čih mkra kƀĭn, hnưm bi mklă mnơ̆ng dhơ̆ng knhal tuč mơ̆ng Hdră bruă ksiêm wĭt, anăn jing kčĕ kơ Phŭn bruă kđi čar mtrŭn hră mơar gĭt gai ñŭ hma lu ala čar hlăm boh klei mrâo.