Hưn mdah ti anôk bi kƀĭn, bi ala Phŭn bruă Lŏ hma wăl hdĭp mda brei thâo, hruê kăm êgao ba mdah leh hdră kčah, mkŏ mjing dŭm êpul mă bruă ti alŭ wăl, pral hmao ƀuh, ƀư̆ mkra dŭm mta hră mơar “amâo lŏ msir mghaih” amâo rơ̆ng djŏ hdră bhiăn, brei lŏ ksiêm dlăng, msir mghaih djŏ hdră bhiăn. Kơ bruă kriê dlăng mran: 100% boh mran êbeh 80 êbâo boh mran, mâo bi mklă hdră ksiêm dlăng.

Hdră hâo hưn, mtô mblang kơ hdră gĭr bi kdơ̆ng hŏng IUU mơ̆ng Việt Nam mâo mđĭ ktang. Klah čŭn ti anôk bi kƀĭn, Khua knŭk kna bi mni klei gĭr mơ̆ng dŭm Phŭn, dhar bruă, alŭ wăl pŏk ngă kjăp nanao đri mđĭ kyar anôk bruă mnơ̆ng hkăm êa hơĭt kjăp, đru bi kdơ̆ng hŏng IUU. Khua knŭk kna brei thâo, tĭng Êpul ksiêm dlăng EC srăng mă bruă ti Việt Nam hlăm mlan 3, anei jing gưl ksiêm dlăng tal 5. Khua knŭk kna mñă: Mta kñăm rơ̆ng klei đĭ kyar kjăp mơ̆ng anôk bruă mnơ̆ng hlăm êa Việt Nam hluê hdră mđĭ kyar 2 mrô, mbĭt anăn lăm lui hră kñĭ IUU hluê klei bi mklă mơ̆ng EC. Anei jing hdră đĭ kyar pral hơĭt kjăp mơ̆ng ala čar, ăt jing kơhưm ala čar, djuê ana, mkăp kơ boh tŭ dưn djŏ hdră bhiăn mơ̆ng mnuih ƀuôn sang./.