Khua knŭk kna Phạm Minh Chính mrâo gĭt gai klei kƀĭn tal 5 Êpul gĭt gai mơ̆ng knŭk kna ksiêm wĭt hdră mtrŭn mrô 18 NQ/TW “đa đa boh klei lŏ dơ̆ng mlih mrâo, mkŏ dăp bruă kđi čar khuăt, ngă bruă tŭ dưn”.Hlăm klei kƀĭn, Êpul gĭt gai hmư̆ leh dŭm klei hưn mdah leh anăn bi trông, brei klei blŭ mguôp kơ hdră hưn mdah mơ̆ng Êpul khua bruă Đảng Knŭk kna, mkŏ mjing Anôk bruă Đảng knŭk kna hlăm gưl dlông.

Hluê si hdră tă mơ̆ng Êpul gĭt gai gưl dlông, Bruă Đảng knŭk kna mâo dŭm êpul bruă đảng hlăm dŭm phŭn bruă, anôk bruă knŭk kna leh anăn bruă đảng hlăm dŭm êpul grŭp, knơ̆ng bruă, knơ̆ng prăk knŭk kna. Bi klă hlăm klei kƀĭn, Khua knŭk kna jao Phŭn bruă kiă kriê bruă knuă bi mguôp hŏng dŭm anôk bruă djŏ tuôm mđing hmư̆, bi kluôm dŭm hdră êlan êlâo kơ hưn mdah hŏng Phŭn bruă kđi čar. Hlăm bruă mkŏ mjing, bi kluôm hdră êlan, srăng ngă djŏ hdră bhiăn Đảng, dŭm hdră bhiăn gĭt gai, dŭm klei čuăn mơ̆ng Đảng leh anăn nao klă hŏng boh sĭt ngă bruă mơ̆ng knŭk kna.