Khua knŭk kna mñă klă, knơ̆ng bruă knŭk kna klă sĭt jing êpul êya yuôm bhăn bruă duh mkra mơ̆ng lăn čar, ktrâo atăt dŭm mta bruă duh mkra mkăn, čiăng bi klă dŭm anôk dleh kpăk hlăm hdră êlan, hdră ngă bruă hŏng dŭm alŭ wăl anôk bruă duh mkra anei.

Khua knŭk kna mtă kơ phung bi ala kñăm bi trông, bi klă bruă klam mơ̆ng knơ̆ng bruă knŭk kna ară anei, mơ̆ng anăn bi klă mta kñăm, mkra mlih alŭ wăl knơ̆ng bruă knŭk kna djŏ guôp boh sĭt bruă duh mkra Việt Nam. Anei jing klei đru kơ bruă ksiêm wĭt, bi klă kluôm dhuôm bruă hluê ngă hdră mtrŭn mrô 12 12-NQ/TW kơ bruă lŏ dơ̆ng mkŏ wĭt, mlih mrâo leh anăn mđĭ hĭn boh tŭ dưn knơ̆ng bruă knŭk kna čiăng hưn mdah hŏng Phŭn bruă kđi čar ksiêm dlăng, hưn mdah hŏng êpul khua bruă Đảng gưl dlông gưl 13. Čiăng ksiêm dlăng klă hĭn kơ boh sĭt duh bi liê leh anăn boh duh dưn klei duh bi liê mơ̆ng knơ̆ng bruă knŭk kna hlăm wưng êgao čiăng bi klă dŭm klei dleh dlan, kpăk gun čiăng ruh mgaih.