Hlue si klei hưn mdah, hlăm gưl hruê 30/4 thŭn anei srăng brei êdeh êran jing 228km êlan dơ̆ng êran prak, snăn knhal jih thŭn srăng mâo 2.920 km. Tơdah bi leh dŭm hdră bruă mơ̆ng dŭm alŭ wăl snăn srăng mâo hlăm brô 3.210 km. Êngao anăn, adôk 2 hdră bruă Đồng Đăng - Trà Lĩnh leh anăn Hữu Nghị - Chi Lăng, tơdah bi leh hlăm thŭn 2025 snăn ênoh km êlan dơ̆ng êran pral mơ̆ng Dưr truh Dhŭng jing 3.345 km.

Khua knŭk kna mtă kơ êpul lĭng kahan, kahan ksiêm ktuê dlăng bruă knuă ti dŭm ktuê êlan êran pral, boh nik ktuê êlan êran pral Lạng Sơn- Cao Bằng. Khua knŭk kna mñă klă tơdah mđĭ hnơ̆ng, ksiêm dlăng hnơ̆ng leh anăn jih jang phung djŏ tuôm hlăm klei ngă bruă snăn amâo djŏ knŏng 3.000 km ƀiădah srăng bi leh truh 3.300 km, êbeh 10% mkă hŏng klei kčah leh.