Khua knŭk kna: Ka bi mlih ôh mta kñăm mđĭ kyar thŭn 2023
Thứ ba, 13:50, 04/04/2023
VOV Tây Nguyên
VOV Tây Nguyên
VOV4.Êđê-Khua knŭk kna Phạm Minh Chính lač, ka bi mlih ôh mta kñăm klei mđĭ kyar bruă thŭn 2023 lehanăn ênoh čuăn kơ bruă mkhư̆ prăk luič ênoh. Siămdah, dŭm phŭn dhar bruă brei lŏ mâo klei gĭr hĭn čiăng bi leh jih jang ênoh čuăn leh mâo, lehanăn kăp ksiêm, păn kjăp boh klei, lŏ mâo hdră êlan djŏ hĭn, pral mghaih msir boh klei amâo mâo jăk.
Tlam mbrue 3/4, Klei bi kƀĭn online knŭk kna hŏng dŭm alŭ wăl bi trông kơ bruă hâo mdah ksiêm wĭt boh hlue ngă klei duh bi liê knŭk kna thŭn 2022, lehanăn hlue ngă bruă duh bi liê thŭn 2023; Klei hâo mdah lŏ mbŏ mơ̆ng hdră duh mkra ala ƀuôn thŭn 2022, mđĭ kyar bruă duh mkra thŭn 2023; ksiêm wĭt ngăn prăk bi liê leh hlăm thŭn 2022.
Ti anôk bi kƀĭn phung bi ala tŭ ư hŏng klei hâo mdah, pioh ba kơ anôk bruă kƀĭn ala ksiêm dlăng. Siămdah, čiăng lŏ thiăm mbŏ, ngă bi mngač, êjai mâo klei bi hlak kjăp mơ̆ng boh klei dlông rŏng lăn dôk găn huĭdah hmăi amâo mâo jăk hŏng Việt Nam, jih jang klei dleh dlan hlăm bruă duh mkra, ya mta klei dôk gun kpăk, kñăm mâo hdră êlan ruh mgaih, lehanăn duh bi liê hŏng klei djŏ, kñăm mđĭ kyar bruă duh mkra.
Viết bình luận