Hlăm dŭm hrue êgao, lehanăn hŏng klei hdĭp mda mnuih ƀuôn sang ti đa đa alŭ wăl kwar dhŭng lehanăn Lăn Dap Kngư mâo hjan prŏng, klei kluh lăn, bi kpăk klei êrô êbat hlăm êlan klông lehanăn klei hdĭp mnuih ƀuôn sang, boh nik ktuê êlan dơ̆ng prŏng mrô 20 kdrêč găn kping čư̆  Bảo Lộc (čar Lâm Đồng), mâo klei kluh lăn kdơr 3 čô kahan ksiêm êlan klông, lehanăn sa čô mnuih ƀuôn sang. Khua knŭk kna mâo leh asăp bi juh truh hŏng truh hŏng găp djuê mnuih mâo klei truh. Khua knŭk kna mtă kơ Dhar bruă kiă kriê klei mdrơ̆ng hŏng yan adiê ngă, lehanăn dŏng mtlaih mnuih mâo klei truh, phung khua phŭn bruă, khua knơ̆ng bruă sang čư̆ êa dŭm boh čar mâo bruă ngă mghaih msir boh mơ̆ng klei truh anei, dŏng mgang klei hdĭp mnuih ƀuôn sang.

Truh giăm 11 mmông mmăt hruê 30-7, êpul brưa djŏ tuôm čar Lâm Đồng ƀuh leh asei atâo phung adôk hlăm klei klưh hroh lăn ti čư̆ Bảo Lộc. Snăn, asei atâo 4 čô săr dơr hlăm klei klưh hroh lăn ti čư̆ Bảo Lộc mâo êpul bruă djŏ tuôm čar Lâm Đồng thâo ƀuh. Kyua adiê hjan sui ngă mâo lu anôk klưh hroh lăn ti čư̆ Bảo Lộc leh anăn ktuê êlan dơ̆ng ala čar mrrô 20.

Hlăk 2h40’ mnĭt tlam, hlăk êjai dôk ngă bruă msir mgaih dŭm anôk klưh hroh kñăn rơ̆ng êđăp ênang hlăm êlan klông, mâo klei klưh hroh lăn kjham ngă kơ 3 čô kahan ksiêm êlan klông leh anăn sa čô mnuih ƀuôn sang lăn dơr. Leh mâo klei truh, khua gĭt gai čar Lâm Đồng nao leh ti anôk mâo klei truh gĭt gai dŭm anôk bruă djŏ tuôm ba nao êbeh 300 čô mnuih hŏng lu kdrăp mnơ̆ng đru dŏng leh anăn duah phung mâo klei truh.

Hlăm kdriêk Ea Sup lehanăn kdriêk Lăk čar Daklak wưng leh êgao mâo dŭm gưl hjan prŏng, êa lip lu ênhă mdiê kuê, êtak ktơr mnuih ƀuôn sang, lehanăn lu kdrêč êlan klông amâo lŏ dưn găn êrô. Msĕ si ti kdriêk Lăk, hjan prŏng ngă êngăp leh êbeh  750 ha mdiê mnuih ƀuôn sang ti dŭm să Buôn Triă, Buôn Triêt, Dak Liêng lehanăn dŭm boh să lehanăn wăl krah mkăn. Hlăm anăn să Ƀuôn Triêt kjham hĭn êbeh 320 ha, să Dak Liêng jing 268 ha, să Buôn Triă mâo 106 ha, dŭm adôk jing ti să Yang Tao, Bông Krang lehanăn wăl krah Liên Sơn.

Bi ti kdriêk Ea Sup, hjan prŏng hlăm dŭm hrue êgao ngă leh kơ lu kdrêč êlan hlăm alŭ wăl mnuih ƀuôn sang dôk ti dŭm boh alŭ, să Ea Lê, Ea Rŏk, Ea Bung … êngăp hlăm êa, lu ênhă lŏ, êtak êbai êngăp hlăm êa. Bruă sang čư̆ êa lehanăn dŭm dhar bruă djŏ tuôm ti dŭm alŭ wăl hlăm čar Daklak êngăp hlăm êa, mnơ̆ng pla mjing êa lip sơăi. Bruă sang čư̆ êa dŭm alŭ wăl hlăm čar Daklak čŏng ngă leh djăp hdră mdrơ̆ng hŏng klei êa lip lêč lehanăn hlĭm hjan./.