Tui si klei hâo mdah mơ̆ng phŭn bruă ngăn prăk, kơ boh klei duh mkra ala ƀuôn 2 mlan mâo lu boh tŭ dưn jăk, jăk hĭn kơ mlan êlâo lehanăn wưng anei thhŭn dih, mnuih ƀuôn sang phung duh mkra, phung duh bi liê hlăm ala čar lehanăn mơ̆ng ala tač êngao, dŭm klei bhiăn kơ ngăn prăk mkŏ mjing dăp gưl klei đăo knang. Mđĭ hĭn klei bi đăo knang kơ klei duh mkra.

Klei ba wĭt ngăn prăk kơ knŭk kna djăp 25,4% tui si ênoh tĭng, đĭ 25,7% mkă hŏng wưng anei thŭn dih. Ti anôk bi kƀĭn, phung khua prŏng hlăm knŭk kna, mâo leh klei trông čhai kñăm ksiêm wĭt bruă duh mkra mlan 2 lehanăn 2 mlan akŏ thŭn, dŭm hdră ala čar kñăm, klei bi liê ngăn prăk kơ bruă kluôm. Khua knŭk kna mtă kơ phung bi ala bi êdah dŭm bruă phŭn hlăm klei kiă kriê gĭt gai hlăm wưng tinăp čiăng kơ thŭn 2025 mâo klei đĭ kyar ƀiă êdi 8%, đru mguôp yuôm bhăn kơ klei duh mkra ala ƀuôn 5 thŭn 2021-2025, mjing ai bluh đĭ mrâo čhuang nao hlăm klei kjăp ênuk mlih mrâo kpưn đĭ, rŭ mdơ̆ng lăn čar mdrŏng ktang, kreh dhar, mnuih ƀuôn sang h’uh mđao, mơak mñai./.