Hlăm mmông tŭ drông, Khua knŭk kna Phạm Minh Chính đăo knang gưl hriê čuă, mă bruă ti Hà Nội leh anăn dŭm alŭ wăl mơ̆ng êpul djŏ hlăm wưng bi hdơr hruê sua wĭt klei êngiê ƀuôn prŏng phŭn Hà Nội (10/10) srăng đru ksul mbŭ kơ klei mjĕ giăm mngač tač, bi hmô leh anăn amâo mă knŏng hjăn Việt Nam – Lào, ăt msĕ hŏng klei mjĕ giăm bi mguôp jăk siam plah ƀuôn prŏng phŭn Hà Nội leh anăn ƀuôn prŏng phŭn Vientiane.

Khua knŭk kna mñă klă Đảng, knŭk kna Việt Nam mâo nanao klei mđing tal êlâo čiăng rơ̆ng leh anăn mđĭ kyar klei mjĕ giăm 2 lăn čar, mâo nanao klei sa ai, mkŏ mjing klei găl kơ klei bi mguôp plah wah ƀuôn prŏng phŭn Hà Nội leh anăn Vientiane bi lar bruă klam ktrâo atăt klei bi mguôp plah wah dŭm alŭ wăl 2 ala čar. Khua knŭk kna mñă kơ 2 ƀuôn prŏng phŭn mbĭt hŏng dŭm anôk bruă, alŭ wăl djŏ tuôm kñăm mtrŭt mđĭ klei mkŏ plah wah ƀuôn prŏng Vientiane leh anăn ƀuôn prŏng phŭn Hà Nội hŏng êlan dơ̆ng pral hĭn dưi mâo, ăt msĕ hŏng mkŏ 2 anôk bruă duh mkra, mkŏ plah wah Vientiane leh anăn dŭm alŭ wăl mơ̆ng Lào hŏng dŭm alŭ wăl ti Việt Nam hŏng êlan êdeh treng, kdrŭn ksĭ…