Leh sa thŭn hlue ngă hdră mrô 06 lehanăn ksiêm wĭt bruă mơ̆ng anôk bruă ala čar kiă kriê kơ klei bi mlih mrô mâo tŭ mă leh lu boh tŭ dưn jăk, boh nik jing, mâo leh klei thâo săng lehanăn klei mă bruă kơ bruă bi mlih mrô gưl ala čar, lehanăn lŏ dơ̆ng ngă nanao bruă anei hŏng klei jăk, dưi lar truh hlăm djăp gưl, dhar bruă, alŭ wăl, boh nik hŏng pô djă akŏ; jih jang bruă bi mâo klei bhiăn, hdră êlan, mjing djŏ tui si klei bhiăn kơ klei bi mlih mrô mâo leh phung khua kiă kriê mđing, gĭt gai hlue ngă hŏng klei jăk, jih jang knuă druh, anôk bruă, alŭ wăl mtrŭn kơ hdră mă bruă, hlue ngă sơăi bruă bi mlih mrô hlăm 5 thŭn.

Boh nik, Phŭn bruă kahan ksiêm jih ai tiê ngă bruă kơ ênoh mnuih, kjiă kriê anak mnuih, ƀrư̆ ƀrư̆ bi mlih bruă kiă kriê ênoh mnuih hŏng bruă mrô sơăi. Blŭ hrăm ti anôk bi kƀĭn, bi ala kơ knŭk kna, khua knŭk kna Phạm Minh Chính bi mni kơ jih jang klei gĭr hlăm bruă knuă mơ̆ng dŭm phŭn dhar bruă, alŭ wăl; Khua knŭk kna brei thâo thŭn 2023 đăo knăl mâo lu klei găl lehanăn ăt lu klei lông dlăng mơh. Bruă bi mlih mrô gưl ala čar srăng tuôm hŏng lu klei dleh dlan, ciăng snăk jih jang mnuih mâo klei gĭr prŏng, ngă bruă hŏng jih ai tiê./.