Ti dŭm anôk bi tuôm, bi trông, phung khua kiă kriê Việt Nam bi myuôm Khua knŭk kna Adylbek Kasymaliev lehanăn êpul bi ala gưl dlông Kyrgyzstan hriê čhưn ti Việt Nam, đăo knang gưl hiu čhưn srăng pŏk wưng mrâo kơ klei bi mjĕ, hgŭm bruă plah wah dua ala čar; mñă Việt Nam bi myuôm klei bi mjĕ hŏng Kyrgyzstan.

Êlâo anăn, Khua knŭk kna Phạm Minh Chính lehanăn Khua knŭk kna Adylbek Kasymaliev nao čuă leh leh Wăl knhuah gru Khua gĭt gai Hồ Chí Minh ti Adŭ bruă Khua lăn čar ti ƀuôn prŏng phŭn Hà Nội.

Khua knŭk kna Phạm Minh Chính hưn mthâo hŏng Khua knŭk kna Kyrgzystan Adylbek Kasymaliev kơ sang dlông Awa Hô, klei hdĭp lehanăn hdră mă bruă mơ̆ng Khua gĭt gai Hồ Chí Minh lehanăn hdră êlan hŏng tač êngao lehanăn knhuah gru dhar kreh jăk siam, hƀuê ênuk kdrưh kơăm mơ̆ng djuê ana Việt Nam, hluê hŏng dŭm pŏk rup msĕ si pui lehanăn êa, hgơr Đồng Sơn, ana kram Việt Nam, ao dai Việt Nam lehanăn čhiăm kdruêh Kwar Dhŭng… ti wăl knhuah gru anei.