Hlue si klei hưn mdah mơ̆ng Phŭn bruă ngăn prăk, kah knar 11 mlan thŭn 2022, CPI đĭ 3,02 % mkă hŏng wưng anei thŭn êlâo; klei mnơ̆ng dhơ̆ng đĭ ênoh đĭ 2,38%. CPI kah knar 2022 đĭ 3,1-3,2% mkă hŏng thŭn 2021, ênoh mnơ̆ng dhơ̆ng đĭ ênoh hlăm hdră kñăm bruă kƀĭn ala kčah… Khădah, bruă kriê dlăng ênoh ăt lŏ mâo dŭm klei kƀah kơ bruă mkŏ mjing, bi leh klei bhiăn, hdră êlan hdră bhiăn hlăm bruă ênoh…

K’iăng Khua knŭk kna Lê Minh Khái mñă klă, brei lŏ dơ̆ng mâo hdră msir phŭn hlăm bruă kriê dlăng, gĭt gai ênoh thŭn 2023 msĕ si: Mđĭ bruă kriê dlăng, gĭt gai ênoh gưl Tết Nguyên đán Quý Mão; gĭt gai ênoh dŭm mta mnơ̆ng dhơ̆ng knŭk kna kriê dlăng hlăm dŭm mlan akŏ thŭn čiăng mjing klei êđăp ênang kơ bruă ksiêm dlăng klei mnơ̆ng dhơ̆ng đĭ ênoh hlăm jih thŭn, pral leh anăn mbruă hlăm bruă kriê dlăng ênoh thŭn 2023./.