Tui si Phŭn bruă hŏng tač êngao, mâo 16 čô khua bi ala knŭk kna Việt Nam ti ala tač êngao mrâo ruah mdưm tal anei mprăp nao mă bruă kơ ala tač êngao anăp ngă bruă ti 48 ala čar. Ti anôk bi tuôm anei, Khua knŭk kna Phạm Minh Chính mñă, dŭm thŭn êgao, bruă hŏng ala tač êngao mâo nanao klei đĭ kyar, đru mguôp leh yuôm bhăn hlăm bruă rŭ mdơ̆ng lăn čar, hlăm anăn dŭm anôk bruă bi ala kơ knŭk kna pô ti ala tač êngao mâo klei bi mguôp rŏng.

Kyua anăn phung khua bi ala knuk kna pô ti ala tač êngao bi mâo nanao hdră êlan djŏ tui si klei kiă kriê mơ̆ng Đảng, knŭk kna, grăp anôk bruă bi ala bi klă bruă mjĕ mgiăm kơ klei duh mkra ala ƀuôn, čŏng duah êlan bi mguôp jăk, kluôm ênŭm, lehanăn tŭ dưn êjai hlăm wưng pô dôk păn bruă./.