Asăp mtrŭn lač klă: wưng giăm anei, ênoh đa đa mnơ̆ng yua mkŏ mkra, boh nik jing dŭm mta čuah, boh tâo, brĭk… đĭ êgao hnơ̆ng, ngă hmăi kơ ênoh prăk rŭ mjing.

Čiăng hmao mgaih msir, ƀuah mkra, bi hơĭt ênoh mnơ̆ng dhơ̆ng leh anăn rơ̆ng kơ klei ngă bruă ti dŭm hdră ala čar kñăm, ăt msĕ mơh bi mâo djăp klei čiăng rŭ mdơ̆ng mơ̆ng mnuih ƀuôn sang, Khua knŭk kna mñă kơ dŭm phŭn, dhar bruă mtrŭt mjhar, bi mguôp hŏng dŭm alŭ wăl ksiêm dlăng, thâo klă klei mlih hlăm anôk mnia mblei čiăng čŏng mâo hdră êlan bi hrŏ ênoh, mjêč bi leh, hưn mdah hŏng hdră bi khuăt hdră mtrŭn bi klă đa đa mta leh anăn hdră êlan ngă hdră bhiăn yua lăn leh anăn mnơ̆ng gŭ lăn êlâo kơ hruê 1/7/2025. Mjêč ksiêm dlăng, bi hrŏ mtam dŭm hră mơar kơ lăn ala, bi klă klei hmăi hŏng wăl hdĭp mda mơ̆ng bruă mă mnơ̆ng gŭ lăn. Mđĭ hĭn klei ksiêm dlăng bruă mă mnơ̆ng gŭ lăn, ksiêm duah, ƀuah mkra ktang phĭt dŭm êpul bruă, grăp čô mâo bruă ngă soh mđĭ ênoh, mkăm pioh hlăm klei mkra mjing, mnia mblei mnơ̆ng yua mkŏ mkra.