Ƀri bi hdơr 94 thŭn hrue mkŏ mjing bruă êdam êra Cộng sản Hồ Chí Minh (26/3), Khua knŭk kna Phạm Minh Chính mrâo mâo leh klei bi tuôm hŏng phung êdam êra, hŏng akŏ “Êdam êra Việt Nam ba anăp mđĭ kyar bruă kreh knhâo kdrăp mrâo, mlih mrâo hŏng klei knhêč, lehanăn bi mlih mrô”.Ti anôk bi blŭ hrăm, Khua knŭk kna Phạm Minh Chính lehanăn phung khua kiă kriê dŭm phŭn dhar bruă mâo leh klei wĭt lač, dŭm klei phung êdam êra êmuh hlăm lu mta klei yuôm bhăn: Msĕ si klei rŭ mjing bruă knuă, klei mđĭ kyar bruă kreh knhâo, mjuăt bi hriăm mnuih thâo hlăm bruă knuă, boh nik hlăm bruă hŏng kdrăp mrâo, hdră êlan iêo jak lehanăn krơ̆ng phung thâo lu.

Khua knŭk kna mtă, kơ phung êdam êra Việt Nam mâo nanao ai tiê ba êlan êlâo hlăm klei kreh knhâo, mlih mrâo hŏng klei knhêč, lehanăn bi mlih mrô, čŏng tui hriăm, bi ksiêm duah ba yua kdrăp mrâo, bi mlih mrô, čŏng nao bi đru hlăm bruă mkŏ mjing bi leh klei bhiăn mă bruă, mđĭ mlih anôk duh mkra mnia mblei, čŏng kiă kriê bruă knuă hŏng klei thâo mĭn, ba wĭt boh tŭ dưn hlăm bruă knuă, nao hlăm klei rŭ mjing bruă knuă, mlih mrâo hŏng klei mbruă, bi mlih mrô, čŏng thâo bi mguôp hŏng ala tač êngao./.