Êlâo kơnăn, aguah mbruê 9/2 hluê si mmông alŭ wăl, Khua knŭk kna Phạm Minh Chính leh anăn mô̆ ñu nao myơr mnga ti knưng bi hdơr kơ khua gĭt gai Hồ Chí Minh ti sang kriê pioh hbuê ênuk Asi leh anăn nao čuă đang ana kyâo mtâo Singapore. Sang kriê pioh hbuê ênuk Asi dôk ti djiêu krông êa Singapore, jing sang rang mdah hƀuê ênuk hjăn hlăm alŭ wăl răng mdah dŭm mnơ̆ng kriê pioh mơ̆ng alŭ wăl Asi, bi hmô kơ klei mkŏ hlăm hƀuê ênuk plah wah dŭm ala čar Asi leh anăn pla wha Asi hŏng tar rŏng lăn.

Hlăm wăl prŏng mơ̆ng sang rang mdah hƀuê ênuk, mbĭt hŏng khua gĭt gai Hồ Chí Minh leh anăn phung khua gĭt gai mkăn ti Asi dưi mdưm kdrưh kơăm. Khua knŭk kna, mô̆ ñu leh anăn êpul ngă bruă nao myơr mnga, mpŭ leh anăn bi hdơr kơ dŭm klei đru mguôp prŏng prĭn mơ̆ng khua gĭt gai Hồ Chí Minh, pô jhŏng ktang sua wĭt klei êngiê djuê ana, pô dhar kreh tar rŏng lăn.