Lŏ ksiêm wĭt dŭm boh tŭ dưn mđĭ kyar mơ̆ng ƀuôn prŏng phŭn Hà Nội 9 mlan thŭn 2024, Khua knŭk kna bi klă, hlăm dŭm boh tŭ dưn anăn, mâo klei đru mguôp mơ̆ng giăm 700 gru hmô êdah êdi, “Mnuih jăk, bruă jăk”, bi ala kơ dŭm pluh êbâo čô mnuih ƀuôn sang jing mnuih jăk, bruă jăk mơ̆ng ƀuôn prŏng phŭn, boh nik jing 10 čô dưi pah mni “Mnuih ƀuôn sang ƀuôn prŏng phŭn êdah êdi” thŭn 2024.

Hluê si Khua knŭk kna, bi mni kơ gru hmô êdah êdi, mnuih jăk, bruă jăk, bi mni kơ mnuih ƀuôn sang ƀuôn prŏng phŭn êdah êdi thŭn 2024 jing bruă yuôm bhăn êjai dưi mkŏ mjing djŏ wưng bi hdơr 70 thŭn hruê sua wĭt klei êngiê ƀuôn prŏng phŭn, jing hdră mđĭ ai, pah mni grăp čô mâo boh tŭ êdah êdu hlăm dŭm mta bruă, bi êdah gru mngač čiăng kơ grăp čô hluê ngă, mâo mnuih ƀuôn sang ƀuôn prŏng phŭn leh anăn hlăm lăn čar sa ai.