Hdră anei mâo ênoh duh bi liê êbeh 4.120 êklai prăk leh anăn mâo boh taih giăm 50 km, srăng jing êlan dar yuôm bhăn, mkŏ hŏng dŭm bĭt êlan dơ̆ng, bi hrŏ boh taih leh anăn mmông nao mơ̆ng Hà Nội – ƀuôn prŏng Hoà Bình – Kim Bôi, mđĭ hĭn klei bi mkŏ, mnia mblei hŏng dŭm čar Hà Nam - Hòa Bình - Phú Thọ - Sơn La hŏng dŭm bĭt êlan dơ̆ng ala čar.

Blŭ hlăm knăm anăn, Khua knŭk kna Phạm Minh Chính mñă klă, bi hŏng phung ngă bruă, phung kčĕ bruă srăng dưi ngă hdră kčah hŏng bruă dưi bi leh djŏ hruê mmông. Khua knŭk kna mtă kơ Phŭn bruă dŭ mdiăng leh anăn êlan klông, dŭm phŭn dhar bruă djŏ tuôm bi mguôp kjăp hŏng čar Hoà Bình čiăng hmao đru, ktrâo lač kơ dŭm boh klei năng mjêč, rơ̆ng kơ bruă hluê ngă dŭm hdră djŏ hruê mmông, hnơ̆ng tŭ jăk msĕ hŏng klei čuăn.