Klei bi trông anei mâo Phŭn bruă hdră kčah lehanăn duh bi liê, Khua bi ala knŭk kna Japon lehanăn Êpul hgŭm dŭm êpul bruă duh mkra Japon hrăm mbĭt mkŏ mjing, lehanăn mâo mkŏ hŏng êlan online truh hŏng dŭm êbâo anôk bruă duh mkra hlăm kluôm ala čar Japon.

Blŭ hrăm ti anôk trông, Khua knŭk kna Phạm Minh Chính lŏ bi êdah ya mta bruă leh dưi ngă hlăm klei bi mguôp dua nah, Khua knŭk kna lŏ mñă, Japon mâo leh dŭm boh tŭ dưn hlăm bruă duh mkra, dưn yua kdrăp mă bruă ênuk mrâo kdlưn hĭn dlông rŏng lăn, lehanăn jing sa hlăm dŭm ala čar thâo ba yua klei kreh knhâo kdlưn hĭn êdi. Klei bi trông anei kñăm tui duah klei găl duh bi liê, ruh mgaih jih jang klei dôk gun kpăk, lehanăn mâo hdră mă bruă jăk hlăm wưng kơ anăp, bi leh jih jang klei čiăng mđĭ kyar hŏng klei kjăp mơ̆ng grăp ala čar, lŏ hyuă kjăp hĭn klei bi mguôp sĭt suôr Việt Nam lehanăn Japon. Khua knŭk kna čang hmăng kơ dŭm phŭn dhar bruă, phung duh mkra mơ̆ng Japon hrăm mbĭt bi trông, đru kơ Việt Nam mâo hdră êlan ruh mgaih jih klei dleh kpăk lehanăn mđĭ kyar hŏng klei kjăp./.